საბოტაჟი თუ გულგრილობა?

მარ­ტვი­ლის ნაცხელმძღვა­ნე­ლობამ შე­შის გა­რე­შე   დარ­ჩე­ნი­ლი ოჯახები სი­ცი­ვის­თვის გა­წი­რა

დღეს, რო­ცა სრუ­ლი­ად სა­ქარ­თვე­ლო­ში „ქარ­თუ­ლი ოც­ნებაა“ ხელი­სუფ­ლების სა­თა­ვე­ში, იქ­ნებ ვინ­მეს შეც­დო­მად მო­ეჩ­ვე­ნოს სა­თა­ურში გა­ტა­ნი­ლი სიტ­ყვები „მარ­ტვი­ლის ნაცხელმძღვანელობა“, მაგ­რამ ვინც საქ­მე­ში ჩახედუ­ლია, ყვე­ლამ იცის, რომ სა­მეგ­რე­ლო­ში სწო­რედ მარ­ტვი­ლია ერ­თა­დერ­თი რა­ი­ო­ნი, სა­დაც 2012 წლის 1 ოქ­ტომბრის შემ­დე­გაც არა­ფე­რი შეც­ვლი­ლა და აქ ისევ ნა­ცები გა­ნა­გებენ ყვე­ლა­ფერს. ხელი­სუფ­ლებაში დარ­ჩე­ნი­ლი ყვე­ლა ნა­ცი­ო­ნა­ლის სურ­ვი­ლი კი, მო­გეხსე­ნებათ, ის არის რომ გა­მო­იწ­ვი­ოს ხალხის უკ­მა­ყო­ფი­ლება „ქარ­თუ­ლი ოც­ნების“ მი­მართ, რი­თაც თა­ვი­ან­თი მოკ­ლე ჭკუ­ით, სურთ, რომ ქვე­ყა­ნა ისევ ნა­ცი­ო­ნა­ლუ­რი დიქ­ტა­ტუ­რის ქვეშ დააბრუ­ნონ. ეს, რა თქმა უნ­და, არა­სო­დეს მოხდება, მაგ­რამ ის სა­მარცხვი­ნო ფაქ­ტი, რაც აქ ამ ზამ­თარ­ში დე­კემბრის დიდ­თოვ­ლობისას მოხდა, სწო­რედ რომ აქა­უ­რი ნაცხელმ­ძღვა­­ნე­ლობის „დამ­სახურებაა“, რა­მაც მთელ მარ­ტვილს სირცხვი­ლის და­ღი და­ას­ვა.

სა­ნამ მარ­ტვი­ლის მუ­ნი­ცი­პა­ლი­ტე­ტის ნაცხელი­სუფ­ლების მი­ერ  ჩა­დე­ნილ ამ სა­მარცხვი­ნო ფაქ­ტზე ჩემს აზრს მო­გახსე­ნებდით, ჯერ სო­ცი­ა­ლურ ქსე­ლებში გავ­რცე­ლებული სა­გან­გა­შო ინ­ფორ­მა­ცია მინ­და შე­მოგ­თა­ვა­ზოთ, რო­მელ­საც სა­თა­უ­რად აქვს „ცოდ­ვის ტრი­ა­ლი კურ­ზუ­ში“.

მარ­ტვი­ლის მუ­ნი­ცი­პა­ლი­ტე­ტის კურ­ზუს თე­მის სო­ფელ დობერა­ზენ­ში მცხოვ­რები 45-დან 9 ოჯახი შე­შის გა­რე­შეა დარ­ჩე­ნი­ლი.

თოვ­ლის მოს­ვლის შემ­დეგ ად­გი­ლობრივ­მა ომარ ნაჭ­ყებიამ ეზო­ში ტყემ­ლის ხე მო­აჭ­რე­ვი­ნა. „ესეც მხოლოდ რამ­დე­ნი­მე დღე შეიძ­ლება გვე­ყოს და მე­რე რა გვეშ­ვე­ლება, არ ვი­ცი“ _ ამბობს ომა­რი. მას მხედ­ვე­ლობა აქვს და­კარ­გუ­ლი. ცო­ლიც მძიმე ავად­მყო­ფია, შვილს კი დამბლის გა­მო, მოძრაობითი აქ­ტი­ვობები აქვს შეზ­ღუ­დუ­ლი...

რთულ მდგო­მა­რეობაშია 82 წლის ია­შა ნაჭ­ყებიას ოჯახიც, რო­მე­ლიც ხან­დაზ­მულ ცოლ­თან, შეზ­ღუ­დუ­ლი შე­საძლებლობის მქო­ნე შვილ­თან და არას­რულ­წლო­ვან შვი­ლიშ­ვილ­თან ერ­თად ცხოვ­რობს. ია­შას ცო­ტა ხნის წინ გუ­ლის ოპე­რა­ცია გა­უ­კეთ­და, ფი­ზი­კუ­რად ვე­ღარ შრო­მობს და არც თანხა გა­აჩ­ნია შე­შის შე­საძენად.

სო­ფელ­ში ერ­თი ტრა­დი­ციაა, გა­ჭირ­ვებულ ოჯახებს მე­ზობლები შე­შით ეხმა­რებიან. 75 წლის მარ­ტოხელა გუ­ლი ნაჭ­ყებია­საც ორი თვის წინ, შვი­ლის და­საფ­ლა­ვების დღეებში მო­ტა­ნი­ლი შე­ში­დან მხოლოდ რამ­დე­ნი­მე დღის სამ­ყო­ფი­ღა შე­მორ­ჩა.

მის­თვის გა­უ­გებარი მი­ზე­ზის გა­მო, ის სი­ღა­რიბის ზღვარს ქვე­მოთ მყო­ფი ოჯახების სი­ი­და­ნაც ამო­ი­ღეს. „ერ­თი წლის წინ მო­ვიდ­ნენ, რა­ღა­ცეები აღ­წე­რეს და დახმა­რება მო­მიხსნეს, არა­და არც ტე­ლე­ვი­ზო­რი მაქვს და არც მა­ცი­ვა­რი, მხოლოდ ძველ­თაძვე­ლი კა­რა­დაა და სხვა უმ­ნიშ­ვნე­ლო ნივ­თები. გუ­ლის პრობლე­მები მაქვს, ავ­ტობუსით მგზავ­რობაც არ შე­მიძლია, რომ მი­ზე­ზი მა­ინც გა­ვარ­კვიო“ _ ამბობს გუ­ლი ნაჭ­ყებია.

მე­ზობლების მო­ტა­ნი­ლი შე­შის ორი კვი­რის მა­რა­გი აქვს მრა­ვალ­შვი­ლი­ან დე­მურ ნაჭ­ყებია­საც, რომ­ლის 5 წლის ბავშვს მე­ნინ­გი­ტის დი­აგ­ნო­ზი და­უს­ვეს.

სო­ცი­ა­ლურ ქსე­ლებში გავ­რცე­ლებულ­მა ამ ინ­ფორ­მა­ცი­ამ რო­გორც კი სა­ქარ­თვე­ლოს მთავ­რობის ყუ­რამ­დე მი­აღ­წია, პრე­მიერ-მი­ნისტრ ირაკ­ლი ღა­რიბაშ­ვლის ინი­ცი­ა­ტი­ვით, მა­შინ­ვე სას­წრა­ფოდ მი­ი­ღეს გა­დაწ­ყვე­ტი­ლება აღ­ნიშ­ნუ­ლი ოჯახების და­სახმა­რებლად და 2013 წლის 20 დე­კემბერს მათ შე­შის გარ­კვე­უ­ლი მა­რა­გი ჩა­მო­უ­ტა­ნეს.

მად­ლობა სა­ქარ­თვე­ლოს პრე­მი­ერ­-მი­ნისტრს ბატონ ირაკ­ლი ღა­რიბაშ­ვილს ყო­ვე­ლი­ვე ამი­სათ­ვის, მაგ­რამ სირცხვი­ლი მარ­ტვი­ლის მუ­ნი­ცი­პა­ლი­ტე­ტის ხელმძღვა­ნე­ლობას, რომ­ლებმაც, მიუხედა­ვად იმი­სა, რომ იცოდ­ნენ თუ რა მდგო­მა­რეობაში იმ­ყო­ფებრდნენ უშე­შოდ დარ­ჩე­ნი­ლი თა­ნა­რა­ი­ო­ნე­ლები, ერ­თი თეთ­რიც კი არ გა­ი­მე­ტეს მათ და­სახმა­რებლად.

ახლა კი ორი­ო­დე სიტ­ყვა იმა­ზეც, თუ რა­ტომ გა­უ­ჭირ­დათ წელს კურ­ზუ­ე­ლებს (და არა მარ­ტო კურ­ზუ­ე­ლებს) მთი­დან შე­შის დრო­უ­ლად და კა­ნო­ნი­ე­რად ჩა­მო­ტა­ნა.

რო­გორც ისი­ნი აღ­ნიშ­ნა­ვენ, წელს მო­ქა­ლა­ქეებისათ­ვის ხე-ტყის გა­ცე­მის საქ­მე­ში შე­იქ­მნა ისე­თი ბიუ­როკ­რა­ტი­უ­ლი ბარი­ე­რი, რომ ფაქ­ტი­უ­რად შეუძლებელი გახდა იქი­დან შე­შის გა­მო­ტა­ნა და მო­სახლეობა სი­ცი­ვის­თვის გა­ი­წი­რა. კერძოდ, სო­ფელ კურ­ზუ­ში რამ­დე­ნი­მე სატ­ყეო უბანს, რო­მე­ლიც რამ­დე­ნი­მე კი­ლო­მეტ­რი­თაა და­შო­რებული, ერ­თი რე­ინჯერი ემ­სახურება. მო­სახლეობამ ბან­კში უნ­და შე­ი­ტა­ნოს თანხა, ქვი­თა­რი წა­რუდ­გი­ნოს რე­ინჯერს, შემ­დეგ ეს უკა­ნას­კნე­ლი უნ­და გაჰყვეს მას უბან­ში და უჩ­ვე­ნოს სად უნ­და მოჭ­რას შე­შა. შე­შის მოჭ­რის შემ­დეგ იქ­ვე უნ­და მოხდეს საბუთის გა­ცე­მაც. მაგ­რამ ერ­თი რე­ინჯერი, ბუ­ნებრი­ვია, ვერ ას­წრებდა ყვე­ლა უბან­ში მის­ვლას და მო­სახლეობის­თვი­საც შეუძლებელი ხდებოდა კა­ნო­ნი­ე­რი გზით შე­შის ჩა­მო­ტა­ნა. გა­რე­მოს დაც­ვამ გვერ­დი აუ­ა­რა რა შექ­მნილ ბიუ­როკ­რა­ტი­ულ ბარი­ერს, სოფ­ლის მო­სახლეობის უმ­რავ­ლე­სობა ხე-ტყის უკა­ნო­ნო ჭრის­თვის სო­ლი­დუ­რი თანხით დააჯარი­მა, რი­თაც, გარ­და სი­ცი­ვი­სა, ღა­ტა­კი მო­სახლეობა შიმ­ში­ლის­თვი­საც გა­წი­რა. არა­ვის, არც გა­რე­მოს დაც­ვის ინ­სპექ­ცი­ას, არც სა­სა­მარ­თლოს, არც სატ­ყეო მე­ურ­ნეობის მეს­ვე­უ­რებს, არც მუ­ნი­ცი­პა­ლი­ტე­ტის გამ­გეობას, რომ­ლის წინ მას­შტაბური აქ­ციები იმარ­თებოდა, ხე-ტყის გა­ცე­მის სა­კითხის მო­საგ­ვა­რებლად, ელე­მენ­ტა­ლუ­რი კითხვა არ დაებადა, თუ რა სა­მარ­თლებრი­ვი გზით ჩა­მო­ე­ტა­ნა მო­სახლეობას შე­შა კა­ნონ­დარ­ღვე­ვის გა­რე­შე. ამა­ზე იტ­ყვი­ან წინ წყა­ლი, უკან მეწ­ყე­რიო. ხოლო სო­ფელ­ში მუ­სი­რებს აზ­რი, რომ ეს ეგ­ზე­კუ­ცია, გა­რე­მოს დაც­ვის ინ­სპექ­ცია, სო­ფელს ხე-ტყის მა­ფი­ის ერ­თმა ბოს­მა მი­უ­სია.

გა­ზეთ „მარ­ტვი­ლის“ რე­დაქ­ცია მი­მარ­თავს რა­ი­ო­ნის ხელმძღვა­ნე­ლობას: მა­შინ, რო­ცა ტყის­პი­რა სოფ­ლებში ხალხი უშე­შობის გა­მო სი­ცი­ვი­სა­გან იყი­ნებოდა და სო­ლი­დუ­რი ჯარი­მების­გან მწი­რი ქო­ნება უყა­დაღ­დებოდა, სად იყა­ვით თქვენ და რას აკე­თებდით მათ და­სა­ცა­ვად. ჩვენ­თვის ცნობილია ის ფაქ­ტიც, რომ იმ გა­ჭირ­ვებულ ხალხს, სა­ნამ ცენ­ტრი­დან დაეხმა­რებოდ­ნენ, არა­სამ­თავ­რობო ორ­გა­ნი­ზა­ციებმა თქვენც ჩა­გა­ყე­ნეს საქ­მის კურ­სში, რა­ზე­დაც თქვენ უპა­სუხეთ: ჩვენ ამა­თი დახმა­რება არ გვეხებაო. ნუ­თუ ამ ხალხის გა­სა­ჭი­რი არ ჩან­და თქვე­ნი ჯიპების დაბურუ­ლი მი­ნებიდან? არა­და ის 12 კუბომეტ­რი შე­შა, რო­მე­ლიც  ზე­მო­აღ­ნიშ­ნულ პი­რებს ცენ­ტრი­დან ჩა­მო­უ­ტა­ნეს, თანხით 700 ლარ­საც კი არ შე­ად­გენ­და.

რაო, ბიუჯეტს გა­უფრთხილ­დით?

სა­ინ­ტე­რე­სოა, ბიუჯეტის გაფრ­თხილებაზე მა­შინ რა­ტომ არ იფიქ­რეთ, რო­ცა გამ­გებელ­მა მა­მუ­კა და­ნე­ლი­ამ 2013 წლის იან­ვარ­ში სა­კუ­თარ თავს მარ­ტო პრე­მი­ის სახით 2650 ლა­რი და­უ­რიცხა და იან­ვარ-თებერ­ვალ­ში სულ ხელ­ფა­სი­სა და პრე­მი­ის სახით აი­ღო 8000 ლა­რი. თა­ნაც, ეს მა­შინ, რო­ცა გამ­გეობისა და საკ­რებულოს თა­ნამ­შრომ­ლებს 2012 წლის ნო­ემბერ-დე­კემბერ­ში სა­ერ­თოდ არ უმუ­შა­ვი­ათ გამ­გეობის წინ გა­მარ­თუ­ლი აქ­ციების გა­მო, რაც მთელ­მა ქვე­ყა­ნამ იცის და რა­ზე­დაც არა­ერთხელ და­ი­წე­რა ჩვენს გა­ზეთ­შიც.

სა­ინ­ტე­რე­სოა, ბიუჯეტის გაფრ­თხილებაზე რა­ტომ არ ფიქ­რობთ მა­შინ, რო­ცა რა­ი­ო­ნის საბიუჯეტო თანხების თით­ქმის ნახევარს (რაც მი­ლი­ო­ნობით ლარს უდ­რის) მარ­ტო თქვე­ნი პრე­მიებისა და ხელ­ფა­სების­თვის ხარჯავთ? უშე­შოდ დარ­ჩე­ნი­ლი კურ­ზუ­ე­ლი გლეხების­თვის კი 700 ლა­რიც და­გე­ნა­ნათ? სირ­ცხვი­ლი, სირცხვი­ლი და კი­დევ სირ­ცხვი­ლი თქვენ, ბატო­ნებო!

მარ­თლაც რომ დროა, დი­დი ხა­ნია დროა, მარ­ტვი­ლი ნა­ცი­ო­ნა­ლუ­რი მოძრაობის ნარ­ჩე­ნებისა­გან გან­თა­ვი­სუფ­ლდეს.

გა­ზეთ „მარ­ტვი­ლის“ რე­დაქ­ცია

P.S. რე­დაქ­ცია აგ­რო­ვებს ინ­ფორ­მა­ცი­ას მას­ზედ, თუ რამ­დე­ნი მო­სახლე დაჯარიმ­და ად­მი­ნის­ტრა­ცი­უ­ლი წე­სით ხე-ტყის უკა­ნო­ნო ჭრი­სათ­ვის და რა თანხამ შე­ად­გი­ნა ის.

მსურ­ვე­ლებს ვთხოვთ, დაგ­ვი­კავ­შირ­დნენ: ტელ.: 593-20-40-23, 591-25-69-10.