(ავტორი: პერსი ბიში შელი)
არძა მაფერი მალწყარშა მეურს
მალუ-წყარეფი ზღვას აკათუნა,
ნირსეფი ქარემს უფერუანა
ართმაჟიაშა მიკვარკვატუნა
არძა მუშ-მუში მანგიწკუმა რე,
ხვალე ვარენა ბედიშ ჭყოლოფათ
ჩქი მუშენ ვორდათ მელახ-მელახო
მუჟამს ეფშა რე გური ჸოროფათ
ქარწყექ ცაშ ჯვიდას ოცად გვალეფი
ზღვაშ პოპორეფი ძგალემს გორუნა
ემერ ქოძირი, მინდორს ვარდეფი
ართიანს მუჭო გახუტოლუნა.
თუთა ზღვას ჯუდუნს, ბჟა მუშ ჩხორიას
ჟიშე გვიჯღონანს გეწურაფილო,
მარა თეს ირფერს მუ აზრი უღუ
სი ვაბჯუდუნქდა , გოლუაფირო.
გინმათანგალი: ფაუსტ
ნადარაია
